بانی پی ٹی آئی اڈیالہ جیل میں ہیں انکی صحت بھی بالکل ٹھیک ہے،روز ڈاکٹرمعائنہ کرتا ہے، ذرائع
راولپنڈی ..راولپنڈی کی اڈیالہ جیل کے ذرائع نے واضح کیا ہے کہ بانی پی ٹی آئی اڈیالہ جیل میں ہیں انکی صحت بھی بالکل ٹھیک ہے، بانی پی ٹی آئی کی اڈیالہ جیل سے منتقلی کی خبروں میں کوئی صداقت نہیں، وہ اپنے سیل میں موجود ہیں، جیل مینوئل کے مطابق انہیں تمام سہولیات دستیاب ہیں۔ جیل ذرائع نے بانی پی ٹی آئی سے متعلق سوشل میڈیا پر گردش کرنے والی افواہوں پر رابطے پر بتایا کہ بانی پی ٹی آئی اڈیالہ جیل میں ہیں انکی صحت بھی بالکل ٹھیک ہے، بانی پی ٹی آئی کی اڈیالہ جیل سے منتقلی کی خبروں میں کوئی صداقت نہیں۔بانی پی ٹی آئی معمول کے مطابق اپنے سیل میں موجود ہیں۔جیل ذرائع کے مطابق بانی پی ٹی آئی کے سیل کو تھانہ نیو ٹاون کا حصہ قرار دیا گیا ہے، بانی پی ٹی آئی 2 دسمبر تک تھانہ نیوٹاون پولیس کی تحویل میں جسمانی ریمانڈ پر ہیں، بانی پی ٹی آئی کی 28 ستمبر کے احتجاج سے متعلق درج مقدمے میں پولیس نے گرفتاری ڈالی ہے۔جیل ذرائع کے مطابق جیل ہسپتال کے ڈاکٹرز بانی پی ٹی آئی کا روزانہ طبی معائنہ کرتے ہیں، بانی پی ٹی آئی کا بلڈ پریشر اور شوگر لیول نارمل ہے، بانی پی ٹی آئی روزانہ دو مرتبہ ورزش کرتے ہیں، جیل مینول کے مطابق بانی پی ٹی آئی کو تمام سہولیات دستیاب ہیں۔جیل ذرائع کے مطابق بانی پی ٹی آئی کی صحت اور کھانے کا خاص خیال رکھا جاتا ہے، بانی پی ٹی آئی کی سیکورٹی کیلئے عملہ ہر وقت تعینات رہتا ہے۔
بشکریہ آن لائن
