راولپنڈی ..حکومت پنجاب نے راولپنڈ ی میں شہریوں کی سفری سہولیات میں بہتری کیلئے102 الیکٹرک بسیں چلانے کا فیصلہ کیا ہے۔ ذرائع کے مطابق منصوبے کا فیصلہ صوبائی ڈویلپمنٹ ورکنگ پارٹی کے ہونے والے اجلاس میں کیا گیا، منصوبہ 84کلو میٹر ایریا کور کرنے والے منصوبے کے 10 روٹ ہوں گے۔الیکٹرک بس سروس پراجیکٹ کی مالیت 7ارب سے زائد ہے جس کیلئے پنجاب حکومت نے 4.7ارب روپے جاری کر دیئے ہیں۔ذرائع کے مطابق پنجاب ماس ٹرانزٹ اتھارٹی منصوبے پر عملدرآمد کی ذمہ دار ہو گی، بسوں کا پراجیکٹ فصائی آلودگی کے خاتمے کیلئے بھی فائدہ مند ثابت ہوگا۔
