نئی دہلی..منی پور میں کشیدگی کی نئی لہر، 10افراد ہلاک ،کرفیو اور انٹرنیٹ کی بندش، ایک سال سے زائد کا عرصہ گزر جانے کے بعد بھی منی پور میں نسلی فسادات پر قابو نہیں پایا جاسکا ، کوکی اور میتھی قبائل کے تصادم کے باعث خانہ جنگی میں مزید اضافہ، منی پور میں خون ریز نسلی فسادات اور فوج کے جعلی مقابلوں کے باعث کشیدگی برقرار ہے ۔بھارتی میڈیا کے مطابق منی پور کے نو اضلاع میں موبائل انٹرنیٹ پر پابندی 3 دسمبر تک بڑھا دی گئی، منی پور میں حالات قابو میں نہ ہونے پر متعدد روز سے کرفیو جاری ہے ، بھارتی پولیس کے ہاتھوں کوکی قبیلے کے 10 نوجوانوں کا بے دردی سے قتل کیا گیا ، پوسٹ مارٹم کی رپورٹ کے مطابق کوکی نوجوانوں کو بدترین تشدد کر کے قتل کیا گیا، بھارتی میڈیا رپورٹس کے مطابق بھارتی فوج کے جعلی مقابلوں اور تشدد کے باعث منی پور کے عوام برہم ہیں ، کوکی قبیلے کا کہنا ہے کہ بھارتی پولیس چن چن کر لوگوں کو قتل کر رہی ہے، نام نہاد جمہوریت مودی سرکار منی پور کی خانہ جنگی پر مکمل خاموش ہے۔
