اسلام آباد..مدرسہ رجسٹریشن بل کو قانونی شکل دینے کا معاملہ،حکومت کا آئندہ ہفتے پارلیمنٹ کا مشترکہ اجلاس بلانے پر غورشروع کر دیا ہے، پارلیمانی ذرائع کے مطابق مشترکہ اجلاس میں مدرسہ رجسٹریشن بل منظوری کے لیے پیش کیا جائے گا، اس بل کو صدر مملکت نے اعتراض لگا کر واپس بھجوا دیا تھا، بلاول بھٹو کی رات مولانا فضل الرحمن سے ملاقات میں بل پر صدر کے دستخط نہ کرنے پر شدید تحفظات کا اظہار کیا گیا، مولانا نے آئندہ کسی بھی قسم کا تعاون مدرسہ رجسٹریشن بل کی منظوری سے مشروط کر دیا، بلاول بھٹو نے آج حکومت کے اعلی عہدیداروں سے رابطہ کیا اور پارلیمنٹ کا مشترکہ اجلاس بلانے کی تجویز دی،مشترکہ اجلاس میں بعض دیگر بلز بھی منظوری کے لیے پیش کیے جائیں گے۔
