غزہ غزہ میں اسرائیلی فوج کی جارحیت جاری ہے جبکہ مزید 51 فلسطینی شہیدہوگئے ہیں،عرب میڈیا کے مطابق شمالی غزہ میں کمال عدوان اسپتال کو اسرائیل فورسز نے ڈرون سے نشانہ بنایا، اسپتال میں مریض اورڈاکٹر خون میں نہا گئے اس حملے میں کم ازکم 29 فلسطینی شہید ہوئے۔عرب میڈیا نے بتایا کہ نصیرات کیمپ پراسرائیلی حملے میں شہدا کی تعداد 20 ہوگئی جبکہ نصیرات کیمپ میں شہید افراد میں 6 بچے،5 خواتین شامل ہیں۔ اسرائیلی فوج نے بیت لاحیہ میں انڈونیشیا کے اسپتال کوبھی نشانہ بنایا۔غزہ میں اسرائیلی بمباری سے شہید فلسطینیوں کی تعداد 44 ہزار612 ہوگئی، لبنان میں حزب اللہ سے جنگ بندی کے باوجود اسرائیلی حملے جاری ہیں جس سے 5 افراد زخمی ہو گئے۔
