شہید خلیل الرحمٰن حقانی کے حوالے سے افغان سفیر سے تعزیت کا اظہار
اسلام آباد۔۔سابق امیر جماعت اسلامی پاکستان سراج الحق نے اسلام آباد میں افغان سفارت خانے کا دورہ کیا اور گزشتہ روز افغانستان کے دارالحکومت کابل میں خودکش حملے کے نتیجے میں شہید ہونے والے افغان طالبان کے نائب سربراہ خلیل الرحمٰن حقانی کے حوالے سے افغان سفیر سے تعزیت اور دعا مغفرت فرمائی ۔اس موقع پر گفتگو کرتے ہوئے کہا کہ افغانستان اور پاکستان دو اسلامی برادر ملک ہیں دونوں ممالک کا امن مشترکہ ہے،تاریخ گواہ ہے پاکستان نیہر سطح پر افغانستان کی خودمختاری اور آزادی کے لیے ناصرف بھرپور کوشش کی ہے بلکہ بے شمار قربانیاں بھی دی ہیں جو اس بات کی ضمانت ہے، دشمن قوتیں پاکستان افغانستان میں امن نہیں چاہتیں ان کا واضح ایجنڈا برادر اسلامی ممالک میں دوریاں پیدا کرنا ہے۔
