ہرناز سندھو آنے والی فلم ’باغی 4‘ سے بالی ووڈ میں انٹری دیں گی
ممبئی۔۔سابق ’مس یونیورس‘ ہرناز سندھو بالی ووڈ میں انٹری دینے کو تیار ہیں۔بھارتی میڈیا کے مطابق ہرناز سندھو آنے والی فلم ’باغی 4‘ سے بالی ووڈ میں انٹری دیں گی، اس حوالے سے انہوں نے سوشل میڈیا پر مداحوں کو اطلاع دی اور بھرپور خوشی کا اظہار بھی کیا۔میڈیا رپورٹس کے مطابق فلم ’باغی 4‘ رومانس اور ایکشن سے بھرپور فلم ہے جس میں ٹائیگر شیروف مرکزی کردار نبھا رہے ہیں۔ہرناز سندھو نے 2021 میں 21 سال کی عمر میں ’مس یونیورس‘ کا ٹائٹل اپنے نام کیا تھا۔یہ اعزاز بھارت کی ہرناز کور سندھو نے 79 ممالک کی حسیناؤں کو پیچھے چھوڑ کر اپنے نام کیا تھا اور ساتھ ہی وہ مس یونیورس کا خطاب جیتنے والی تیسری ہندوستانی لڑکی بھی بن گئی تھیں۔ان سے قبل 21 سال پہلے اداکارہ لارا دتہ نے 2000 میں اور اداکارہ سشمیتا سین نے 1994 میں بھارت کو مس یونیورس کا خطاب دلایا تھا۔
