اکشے کمار اپنی چوٹ کے باوجود جلد از جلد سیٹ پر واپس آنے کیلیے پْرعزم ہیں
ممبئی ..مشہور بالی ووڈ اداکار اکشے کمار فلم ’ہاؤس فل 5‘ کے سیٹ پر پیشآئے حادثے میں زخمی ہوگئے، ان کیآنکھ پر چوٹیںآئی ہیں۔بھارتی میڈیا نے ذرائع کا حوالے دیتے ہوئے بتایا کہ اکشے ایک اسٹنٹ کر رہے تھے کہ اچانک ایک چیز اڑتی ہوئی ان کی آنکھ میں جا لگی۔ سیٹ پر فوری طور پر ایک ماہر امراض چشم کو بلایا گیا جنہوں نے ان کی آنکھ پر پٹی باندھی اور انہیں آرام کرنے کی ہدایت دی۔رپورٹ کے مطابق اکشے کے ساتھ حادثے کے باوجود فلم کی عکسبندی دیگر اداکاروں کے ساتھ جاری رہی۔اکشے کمار اپنی چوٹ کے باوجود جلد از جلد سیٹ پر واپس آنے کیلیے پْرعزم ہیں تاکہ فلم کی شوٹنگ میں مزید تاخیر نہ ہو کیونکہ فلم تکمیل کیآخری مراحل میں ہے۔
