ججز ٹھیک ٹھیک ہوتے ہیں آپ انہیں خراب کردیتے ہیں‘ جسٹس یحییٰ آفریدی‘گھوٹکی بار سے خطاب
گھوٹکی..چیف جسٹس پاکستان جسٹس یحییٰ آفریدی نے کہا ہے کہ ججز کیلئے تالیاں نہ بجائیں، تسلی سے انسان خراب ہوجاتا ہے۔ گھوٹکی بار سے خطاب کرتے ہوئے چیف جسٹس پاکستان جسٹس یحییٰ آفریدی کا کہنا تھا کہ بار ایسوسی ایشنز کے تحفظات جلد دور کیے جائیں۔ میں نے کمٹمنٹ کی ہے اسے ضرور پورا کروں گا۔انہوں نے کہا کہ عدلیہ کے تقدس کو برقرار رکھا جائے، چیف جسٹس سندھ نے آپ کے تمام مسائل سے آگاہ کیا ہے۔ ججز کیلئے تالیاں نہ بجائیں، تسلی سے انسان خراب ہوجاتا ہے۔انکا کہنا تھا کہ ججز ٹھیک ٹھیک ہوتے ہیں آپ انہیں خراب کردیتے ہیں۔چیف جسٹس یحییٰ آفریدی نے کہا کہ ضلع گھوٹکی خیبرپختونخوا کے کئی اضلاع سے بہتر ہے۔
