مقبوضہ کشمیر سے لائن آف کنٹرول پار کرکے آزاد کشمیر پہنچنے والی لڑکی کو گرفتار کر لیا گیا۔ کہوٹہ پولیس کے مطابق گائوں کیرنی میں لڑکی کی موجودگی کی اطلاع پر کہوٹہ پولیس نے لڑکی کو گرفتار کر کے مقدمہ درج کر لیا۔ مظفر آباد پولیس کے مطابق لڑکی فاطمہ نے دیئے بیان میں کہا ہے اس نے شادی کے وعدے پر 24نومبر کو ایل او سی پار کیا اور پونچھ آگئی،ایل او سی کراس کرنے کے بعد عمران اپنے گھر لے آیا۔ لڑکی نے بتایا کہ مقدمے میں مو قف اختیار کیا کہ عمران میرے بھائی کے ساتھ بیرون ملک ملازمت کرتا ہے،اس سے اکثر فون پر بات ہوتی رہتی تھی۔ کہوٹہ پولیس کے مطابق مقامی نوجوان عمران کو بھی گرفتار کر لیا ہے۔ لڑکے پر ایل او سی پار کرانے اور والدین کی مرضی کے خلاف شادی کی ترغیب دینے کا الزام ہے۔ لڑکی اور لڑکے کی رہائی اور حوالگی کیلئے اہلخانہ نے مجسٹریٹ کو درخواست دائر کر دی ہے۔
