کوئٹہ۔۔جمعیت علماء اسلام بلوچستان کے امیر و سینیٹر مولانا عبدالواسع نے ملک کی موجودہ سیاسی حالات پر نطقہ چینی کرتے ہوئے کہا ہے کہ موجودہ سیاسی حالات میں بار بار جو جھوٹ بولا گیا اس سے سچ دھندلا ہوگیا عوامی طاقت کا مظاہرہ جمعیت علماء اسلام نے کیا تھا جس سے حکومت وقت کے کان کھڑے ہوگئے تھے ،پھانسی کی رانی کا پھانسہ والے تماشے سے سیاسی جماعتوں کی ساکھ کو نقصان اور ورکرز کے اعتماد کو ٹھیس پہنچا ہے خود ساختہ ہیرو بننے کے چکر میں مصنوعی لیڈرشپ ورکرز کو بے سر و سامانی کے حالت دم دبا کر بھاگے ہیں ۔یہاں جاری ہونے والے ایک بیان میں سینیٹر مولانا عبدالواسع نے کہا کہ سیاسی پارٹیاں خود احتسابی بھی کریں ، سیاسی میدان کے کے حقیقی کھلاڑی سیاست کے نام پر داغ نہیں آنے دیتے ہیں منصوبہ ساز اپنے منصوبے میں بری طرح ناکام ہوگئے جن مہروں کو آگے کیا جاتا ہے وہی ان کیلئے وبال جان بن جاتا ہے جمعیت علماء اسلام کی مینڈیٹ پر شب خون مارنے والے ضرور اپنے انجام کو پہنچ جائے گے جعلی نمائندے قوم کو ترقی کی بجائے بحرانوں کی طرف ہی دھکیلتے ہیں کسی نئے تجربے کے بجائے سیاسی میدان کے کھلاڑیوں کو کھیلنے دیا جائے سیاسی لوگ ہی حالات کی گھتی سلجھا سکتے ہیں ۔انہوں نے کہا کہ جمعیت علماء اسلام بہت زیادہ تحفظات کے باجود ملک کی وقار و عزت کی خاطر خاموشی سے حالات کی بہتری کی امید رکھے ہوئے ہے ،اسمبلیوں کو عوام کے منتخب نماہندوں کو سونپ دی جائے اور قائد جمعیت مولانا فضل الرحمن کی تجاویز کو سنجیدہ لیا جائے ،باوجود ہمارے تحمل اور برداشت کے اگر حالات یہی رہے تو جمعیت علماء اسلام ملک گیر عوامی تحریک کی آغاز کریں گی اور تمام معاملات کو منطقی انجام تک پہنچا کر ہی دم لیں گی۔انہوں نے کہا کہ ارباب اختیار جمعیت علماء اسلام کی عوامی پذیرائی سے آنکھیں بند کرکے کب تک اس حقیقیت سے رو گردانی کرتے رہیں گے، ملک کے بہتر مستقبل، جمہوری اقدار کی بحالی میں ہے جب تک حقیقی جمہوری عمل بحال نہیں کیا جاتا ہے اسی طرح بحران ہماری ترقی میں حائل ہوتے رہیں گے۔
