کوئٹہ سمیت بلوچستان کے دیگر علاقوں میں موسم سرما کی بارش کا سلسلہ اتوار کوبھی وقفے وقفے سے جاری رہا کوئٹہ شہر بارش کے بعد گندگی کے ڈھیر میں تبدیل ہوگیا جبکہ جگہ جگہ نالیاں بند ہونے سے سیوریج کاگندا پانی سڑکوں پر بہنے سے شہریوں کو پریشان کا سامنا کرنا پڑا۔محکمہ موسمیات کے مطابق بلوچستان کے علاقے اورماڑہ میں 13،خضدار میں 3،کوئٹہ میں 1ملی میٹر بارش ریکارڈ کی گئی۔محکمہ موسمیات کے مطابق پیر کے روز کوئٹہ ،زیارت، پشین، قلعہ عبداللہ، قلعہ سیف اللہ،ژوب، شیرانی اور موسیٰ خیل میں بارش اور پہاڑوں پر برفباری کا امکان ہے اس دوران بارکھان،نصیر آباد ،لورالائی، سبی، خضدار، کوہلو میں چند مقامات پر تیز ہواؤں اور گرج چمک کے ساتھ بارش کی توقع ہے ۔کوئٹہ میں موسم سرما کی پہلی بارش کے بعد شہر گندگی کے ڈھیرمیں تبدیل ہوگیا ہے جگہ جگہ کچرے کے ڈھیر لگے ہوئے ہیں جبکہ منان چوک ،میکانگی روڈ،آرٹ سکول روڈ، پٹیل روڈ، ڈبل روڈ، اکرم ہسپتال،سیٹلائٹ ٹاون ،پشتون آباد سمیت دیگرعلاقوںمیں نالیاں بند ہونے سے سیوریج کا گندا پانی سڑکوں پربہنے سے پیدل چلنے والے شہریوں کو مشکلات اور ٹریفک کی روانی میں بھی خلل پڑاتاہم صفائی کا عملہ کہیں بھی نظرنہیں آیا۔
