اسلام آباد ۔۔ملک بھر سے 54 ہزار سے زائد درخواستیں موصول ہو گئی۔ ترجمان مذہبی امورکے مطابق سرکاری سکیم میں حج درخواستوں کی وصولی کا (آج) منگل کو آخری دن ہے ،رات تک حج درخواستیں مزید بڑھنے کا امکان ہے،۔ترجمان مذہبی امور کے مطابق 3 دسمبر تک سرکاری حج سکیم کا کوٹہ مکمل ہونے کاامکان ہے،ریگولر حج سکیم کے تحت قسطوں میں اخراجات کی وصولی کے سبب ماضی سے زائد درخواستیں موصول ہوئیں۔ ترجمان کے مطابق درخواستیں مکمل ہونے کے فوراً بعد حج پروازوں کے شیڈول کو حتمی شکل دی جائے گی۔ترجمان مذہبی امور نے بتایاکہ پروازوں کے شیڈول کے مطابق مدینہ منورہ میں رہائشیں حاصل کی جائیں گی۔ ترجمان مذہبی امور نے بتایاکہ سعودی عرب میں رہائش، خوراک اور ٹرانسپورٹ اور مکاتب کی پروکیورمنٹ مکمل کی جائے گی۔ترجمان کے مطابق سمندر پار پاکستانی 3 دسمبر تک سپانسرشپ بھجوا کر سکیم میں شمولیت یقینی بنائیں۔
