چمن۔۔چمن و گرونواح میں 3.2 شدت زلزلے کے جھٹکے محسوس کئے گئے ہیں جس سے لوگ خوف وہراس کا شکار ہوگئے۔ منگل کی صبح چمن وگردو نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق زلزلے کی گہرائی 15کلومیٹر اور شدت 3.2ریکارڈ کی گئی جس کا مرکز کوئٹہ کے شمال مغرب میں 66کلومیٹر دور تھا۔زلزلے کے جھٹکوں کے بعد عوام میں خوف و ہراس پھیل گیا اور لوگ کلمہ طیبہ کا ورد کرتے گھروں سے باہر نکل آئے۔زلزلے کے نتیجے میں اب تک کسی جانی ومالی نقصان کی اطلاع نہیں ملی ہے۔
