جیوانی.جیوانی کے علاقے دران میں لائٹ ہاؤس کے قریب پاکستان کوسٹ گارڈ (پی سی جی) کی گشت کرنے والی پارٹی پر دیسی ساختہ بم (آئی ای ڈی) سے حملہ کیا گیا۔
دھماکے کے نتیجے میں ایک اہلکارجاں بحق ہوگیا۔تفصیلات کے مطابق گشت پر مامور پی سی جی اہلکار معمول کے مطابق اپنی ڈیوٹی انجام دے رہے تھے کہ اچانک ایک زور دار دھماکہ ہوا۔ دھماکے کے بعد علاقے میں خوف و ہراس پھیل گیا۔ سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔
دھماکے کی نوعیت کا تعین کیا جا رہا ہے، اور متعلقہ حکام نے واقعے کی مزید تحقیقات کا آغاز کردیا ہے۔ جاں بحق اہلکار کی لاش کو قریبی ہسپتال منتقل کر دیا گیا ہے۔
بشکریہ:ہمارا بلوچستان نیوز
