کیلیفورنیا ..امریکی ریاست کیلیفورنیا کے جنگلات میں لگی آگ نے مشہور برطانوی اداکارہ جین سیمور کے گھر کو بھی اپنی لپیٹ میں لے لیا جس کے باعث اداکارہ کو گھر چھوڑنا پڑگیا۔ غیر ملکی میڈیا کے مطابق 73 سالہ اداکارہ نے آگ اور فائر فائٹرز کی آگ بجھانے کی کوششوں کی تصاویر سوشل میڈیا پر شیئر کی ہیں جو وائرل ہوگئیں۔آگ کی شدت کے باعث اداکارہ کو ہنگامی بنیادوں پر اپنا گھر چھوڑنا پڑا، تاہم انہوں نے تصدیق کی کہ وہ محفوظ ہیں۔ جین سیمور نے ریسکیو اہلکاروں کا شکریہ ادا کرتے ہوئے انہیں خراج تحسین پیش کیا اور کہا کہ یہ لوگ اپنی جان خطرے میں ڈال کر گھروں اور شہریوں کو بچانے کے لیے بھرپور محنت کر رہے ہیں۔رپورٹس کے مطابق، کیلیفورنیا کے جنگلات میں یہ خوفناک آگ 4 ہزار ایکڑ سے زائد رقبے پر پھیل چکی ہے۔ ملیبو کے علاقے میں تین روز قبل بھڑکنے والی یہ آگ تاحال قابو میں نہیں آسکی جس کو بجھانے کی کوششیں تاحال جاری تھیں۔
