کوہٹہ (ہمارا بلوچستان نیوز)وزیراعلیٰ بلوچستان سرفراز بگٹی نے کہا ہے کہ میں اسٹیبلشمنٹ کا نہیں پیپلز پارٹی کا آدمی ہوں، پیپلزپارٹی میں جانے سے پہلے مجھے بالکل پتہ نہیں تھا کہ میں وزیراعلیٰ بنوں گا۔
وزیراعلیٰ بلوچستان سرفراز بگٹی نے پروگرام ” خبراورتجزیہ” میں گفتگوکرتے ہوئے کہا کہ بلوچستان میں اس وقت 3 بڑے چیلنجز ہیں، سب سے بڑا چیلنج کرپشن ہے، موسمیاتی تبدیلی دوسرا اورتشدد تیسرا چیلنج ہے۔
انہوں نے مزید کہا کہ بلوچستان میں لوگوں کو میرٹ پر نوکریاں مل رہی ہیں، پہلے7،10لاکھ میں نوکریاں ملتی تھیں، ہم کوشش کرر ہے ہیں کہ میرٹ کا خاص خیال رکھا جائے۔
انہوں نے کہا کہ 12،12سال سے بند اسکولز کھولے جا رہے ہیں، آوارن میں لیڈی ڈپٹی کمشنر اسکول کھلوا رہی ہیں، ٹیچرز کی میرٹ پر بھرتیاں ہو رہی ہیں۔
انہوں نے کہا کہ ہم دہشتگرد کو ناراض نہیں کہتے، ہم کہتے ہیں کہ تمہیں کیفر کردار تک پہنچائیں گے، مسنگ پرسن ایک انٹرنیشنل ایشو ہے صرف بلوچستان کا مسئلہ نہیں۔
