اسلام آباد..اقوام متحدہ کے پروگرام برائے ایچ آئی وی ایڈز برائے پاکستان کے کنٹری ڈائریکٹر ٹربل چکوکو نے پاکستان میں ایڈز کے پھیلاؤ پر تشویش کا اظہار کرتے موثر اقدامات اٹھانے پر زور دیا ہے انہوں نے سوموار کو کی وزارت مذہبی امور کے ایڈیشنل سیکریٹری ڈاکٹر عطاء الرحمان سے ملاقات کی ملاقات میں باہمی دلچسپی کے امور باالخصوص پاکستان میں موذی مرض ایڈز کی روک تھام کے لئے جاری مختلف پروگراموں کے بارے تفصیلی گفتگو کی گئی اس موقع پر ڈاکٹر عطاء الرحمن نے کہا کہ پاکستان ایچ آئی وی کے خلاف قومی حکمت عملی کو مزید مضبوط اور موثر بنانے کے لیے پرعزم ہے اور ایڈز، پولیو اور دیگر بیماریوں کی روک تھام کے لئے یو این کے متعلقہ ذیلی اداروں اور دیگر شراکت داروں کے تعاون کو قدر کی نگاہ سے دیکھتے ہیں انہوں نے کہا کہ ایڈز کے مو ثر سد باب کے لئے دیگر اقدامات کے ساتھ ساتھ لوگوں میں شعور اجاگر کرنے کی بھی ضرورت ہے انہوں نے کہا کہ ایڈز ایک خطرناک مرض ہے عوامی آگاہی اور احتیاطی تدابیر کے ذریعے اس مرض کے پھیلائو کو روکا جا سکتا ہے اس موقع پر یو این کے کنٹری ڈائریکٹر نے کہا کہ اجتماعی کوششوں کے باوجود پاکستان میں ایچ آئی وی کی وباء بڑھ رہی ہے جس کے لیے اختراعی اور پائیدار کوششوں کی ضرورت ہے ۔انہوں نے کہا کہ پاکستان میں ایڈز کے حوالے سے عوامی آگاہی کی کمی ہے علماء کرام اور مدارس ایڈز کی رو ک تھام سے متعلق عوام میں آگاہی کیلئے مثبت کردار ادا کرسکتے ہیںملاقات میں پاکستان اور اقوام متحدہ کے مابین ایڈز کا پھیلائو روکنے کیلئے تعاون مزید بڑھانے پر اتفاق کیا گیا
