گلگت، ، بلتستان .. گلگت کی انسداد دہشتگردی عدالت نے سنگین نتائج کی دھمکیاں دینے کے کیس میں سابق وزیراعلیٰ گلگت بلتستان خالد خورشید کو 34 سال قید اور 6 لاکھ روپے جرمانے کی سزا سنادی ہے۔گلگت کی انسداد دہشتگردی کی عدالت کے جج رحمت شاہ نے کیس کی کارروائی مکمل کرتے ہوئے سابق وزیراعلیٰ گلگت بلتستان کو قید اور جرمانے کی سزا سنائی۔ خالد خورشید مقدمے کی کارروائی سے غیرحاضر اور روپوش رہے۔عدالت نے آئی جی پولیس کو حکم دیا کہ مجرم کو گرفتار کرکے جیل منتقل کیا جائے۔ عدالت نے ڈی جی نادرا کو سابق وزیراعلیٰ خالد خورشید کا شناختی کارڈ بلاک کرنے کا بھی حکم دیا۔واضح رہے کہ ملزم پر سیکیورٹی اداروں ، چیف سیکریٹری گلگت بلتستان اور چیف الیکشن کمشنر گلگت بلتستان کو سنگین نتائج کی دھمکیاں دینے کا بھی الزام تھا۔
