پاکستان ،ازبکستان امن، خوشحالی و علاقائی روابط کیلئے مشترکہ وژن رکھتے ہیں،دورہ مشترکہ اقدار اور روشن مستقبل کیلئے مل کر کام کرنے کی ضرورت کے عزم اعادہ ہے ، شہباز شریف
تاشقند ..وزیراعظم شہباز شریف نے کہا ہے کہ پاکستان اور ازبکستان امن، خوشحالی اور علاقائی روابط کے لیے مشترکہ وژن رکھتے ہیں،دورہ مشترکہ اقدار اور روشن مستقبل کیلئے مل کر کام کرنے کی ضرورت کے عزم اعادہ ہے منگل کو وزیر اعظم شہباز شریف نے تاشقند میں یادگار آزادی کا دورہ کیا، اس موقع پر ازبکستان کے وزیر اعظم عبداللہ عاریپوف بھی وزیر اعظم کے ہمراہ تھے،یہ دورہ پاکستان اور ازبکستان کے درمیان مشترکہ تاریخی اور ثقافتی تعلقات کو اجاگر اور دوطرفہ تعلقات کو مزید گہرا کرنے کے عزم کی عکاسی کرتا ہے۔
وزیراعظم نے اعلی سطحی وفد کے ہمراہ یادگار پر پھولوں کی چادر چڑھائی جو ازبکستان کی شاندار تاریخ اور خودمختاری کی طرف سفر کی علامت ہے۔ وزیر اعظم نے ازبکستان کی ترقی اور چیلنجز سے نمٹنے کی صلاحیت کو سراہتے ہوئے اس کی پاکستان کی آزادی اور ترقی کی جدوجہد کے ساتھ مماثلت کا اظہار کیا۔ وزیراعظم نے کہا کہ آزادی کی یادگار ازبک عوام کے حوصلے اور عزم کا منہ بولتا ثبوت ہے، پاکستان اور ازبکستان امن، خوشحالی اور علاقائی روابط کے لیے مشترکہ وژن رکھتے ہیں۔ انہوں نے کہا کہ یہ دورہ ہماری مشترکہ اقدار اور روشن مستقبل کے لیے مل کر کام کرنے کی ضرورت کے عزم اعادہ ہے۔ یادگار کے دورے کے دوران وزیر اعظم کو ازبک قوم کی 3ہزار سالہ تاریخ اور اس کے ہیروز کے بارے میں بھی بریفنگ دی گئی۔
