اعلیٰ تعلیم کی فراہمی کے لیے متحدہ عرب امارات کا بلوچستان کے طالبِ علموں کے لیے سکالرشپ کا اعلان
کوئٹہ..بلوچستان کی اعلیٰ تعلیم کے لیے متحدہ عرب امارات کے اسکالرشپ پروگرام، اعلیٰ تعلیم کی فراہمی کے لیے متحدہ عرب امارات نے بلوچستان کے طالبِ علموں کے لیے سکالرشپ کا اعلان کیا ، جس میں بلوچستان کے مختلف اضلاغ سے طلباء کو تحریری امتحانات کے بعد منتخب کیا گیا۔
بلوچستان سے اعلیٰ تعلیم کے لیے منتخب کیے گئے 25 طالبِ علموں میں 5 طالبات بھی شامل ہیں، سکالرشپ حاصل کرنے والے طلباء متحدہ عرب امارت کے بہترین تعلیمی اداروں میں تعلیم حاصل کریں گے، اس سکالرشپ کا مقصد پاکستان بالخصوص بلوچستان کے نوجوانوں کو عالمی سطح پر تعلیم حاصل کرنے کے مواقع فراہم کرنا ہے
سکالرشپ حاصل کرنے والے طلباء و طلبات نے اعلیٰ تعلیم کے مواقع فراہم کرنے پر حکومت پاکستان ، متحدہ عرب امارات اور پاک فوج کاشکریہ ادا کیا، انکا کہنا تھا کہ یہ سکالرشپ انکے تعلیمی سفر میں ایک سنگِ میل کی حیثیت رکھتا ہے اور وہ اس موقع سے مستفید ہو کے اپنے ملک اور صوبے کا نام روشن کریں گے۔
