جعفرایکسپریس 9 بوگیوں پر مشتمل500 مسافر سوار ہے، مسلح افراد نے ٹرین روکی ہے کنٹرولر ریلوے
ابتدائی اطلاعات کے مطابق واقعہ دہشت گردی کا شاخسانہ ہو سکتا ہے،ترجمان بلوچستان حکومت
کوئٹہ میں ڈھاڈر پنیر ریلوے اسٹیشن کے قریب جعفرایکسپریس پر نامعلوم افراد کی جانب سے فائرنگ سے ٹرین ڈرائیور شدید زخمی ہوگیا۔،جعفر ایکسپریس کوئٹہ سے پشاور جارہی تھی تفصیلات کے مطابق جعفرایکسپریس پرنامعلوم مسلح افراد کی جانب سے فائرنگ کا سلسلہ جاری ہے،ریلوے حکام کا کہنا ہے فائرنگ سے ٹرین ڈرائیورسمیت 3 مسافر بھی زخمی ہوئے،جبکہ ہلاکتوں کا خدشہ بھی ظاہر کیا جارہا ہے کنٹرولر ریلوے محمد کاشف کے مطابق، جعفر ایکسپریس 9 بوگیوں پر مشتمل ہے اور اس میں تقریبا 500 مسافر سوار ہیں۔
ٹرین کو مسلح افراد نے 8 نمبر ٹنل میں روک لیا تھا، جس کے بعد مسافروں اور عملے سے رابطے کی کوشش کی جا رہی ہے۔ریلوے حکام کے مطابق، واقعے کے بعد امدادی اور سیکیورٹی ٹیموں کو فوری طور پر جائے وقوعہ کی جانب روانہ کر دیا گیا ہے۔ تاہم، پہاڑی اور دشوار گزار علاقہ ہونے کے باعث رسائی میں مشکلات کا سامنا ہے۔،سیکورٹی فورسز فائرنگ کے مقام کی جانب روانہ ہوگئے ترجمان بلوچستان حکومت شاہدرند نے کہا ہے کہ سبی ہسپتال میں ایمرجنسی نافذکردی گئی ہے، ایمبولینسز جائے وقوعہ کی جانب روانہ کردی گئی ہیں،پہاڑی اور دشوار گزار علاقہ ہونے کے باعث جائے وقوعہ تک رسائی میں مشکلات پیش آرہی ہیں،محکمہ ریلوے کی جانب سے امدادی ٹرین جائے وقوعہ پر روانہ کردی گئی ہے۔
واقعیکی نوعیت اورممکنہ دہشت گردی کے پہلوں کا جائزہ لیا جا رہا ہے،ابتدائی اطلاعات کیمطابق واقعہ دہشت گردی کا شاخسانہ ہو سکتا ہے،تحقیقات جاری ہیں،حکومت بلوچستان کی جانب سیہنگامی اقدامات کی ہدایت،تمام ادارے متحرک ہیں،عوام سے پرامن رہنے اور افواہوں پر کان نہ دھرنے کی اپیل ہے۔دوسری جانب لیویزحکام کاکہنا ہیکہ غیر مصدقہ اطلاعات کے مطابق ٹرین پر مسلح افراد نیقبضہ کیا ہوا ہے،واقعہ کے بعد سول اسپتال سبی اورڈھاڈرمیں ایمرجنسی نافذ کر دی گئی ہے،حملہ اور فائرنگ سے انجن ڈرایئور سمیت تین مسافر زخمی ہوئے ہیں۔
