اسلام آباد۔۔کچھی کے علاقے مشکاف میں جعفر ایکسپریس کو نشانہ بنائے جانے والے مقام پر ریلوے ٹریک اور اطراف کے علاقے کو کلیئر کر دیا گیا ہے۔ریلوے کے انجینئرنگ ڈپارٹمنٹ سمیت تکنیکی ٹیموں نے واقعے کے مقام کا دورہ کیا۔
ریلوے حکام کے مطابق ریلوے ٹریک کی مرمت کا کام (آج) اتوار سے شروع کر دیا جائے گا۔حملے میں جعفر ایکسپریس کے انجن سمیت 5 بوگیوں جبکہ مشکاف میں ریلوے ٹریک کے 382 فٹ حصے کو نقصان پہنچا ہے۔
ریلوے حکام کے مطابق ٹریک کی مرمت میں 8 سے 10 گھنٹے درکار ہوں گے، کوشش ہے کہ ٹریک کی جَلد مرمت کر کے ٹرین سروس بحال کی جائے۔پاکستان ریلوے کے حکام کے مطابق کوشش ہے کہ ٹریک کی جلد مرمت کر کے ٹرین سروس بحال کر دی جائے۔
