پاکستانیوں کیلئے یوکے شیوننگ اسکالرشپس کی درخواستیں آج سے کھل گئیں
اسلام آباد ..پاکستان سمیت دنیا بھر کے نوجوان پروفیشنلز کے لیے ’یوکے شیوننگ اسکالر شپس‘ کی درخواستیں آج سے کھل گئی ہیں۔
پاکستان میں برطانوی ہائی کمشنر جین میریٹ نے سماجی رابطے کی ویب سائٹ ’ایکس‘ پر ایک پوسٹ کی جس میں انہوں نے یوکے شیوننگ اسکالرشپ سے متعلق اعلان کیا۔
برطانوی ہائی کمشنر نے اپنی پوسٹ میں لکھا ’یوکے شیوننگ اسکالرشپ کی درخواستیں 5 اگست سے 7 اکتوبر 2025 تک جمع کرائی جاسکتی ہیں۔
انہوں نے مزید بتایا کہ یوکے شیوننگ اسکالرشپ کم ازکم 2 سال کا تجربہ رکھنے والے مڈکریئر پروفیشنلز کے لیے ہے جس میں ٹیوشن فیس، پروازیں، ویزا، رہائش اور روزمرہ اخراجات کا الاؤنس شامل ہے۔
اپنی پوسٹ میں جین میریٹ نے لکھا ’ کیا آپ برطانیہ میں مکمل فنڈڈ ماسٹرز ڈگری کے ساتھ اپنی زندگی بدلنے کے لیے تیار ہیں؟’
واضح رہے کہ شیوننگ اسکالرشپ برطانیہ کی حکومت کا ایک بین الاقوامی پروگرام ہے جو دنیا بھر کے باصلاحیت اور ابھرتے ہوئے نوجوان پروفیشنلز کو برطانیہ میں مکمل فنڈڈ ماسٹرز ڈگری حاصل کرنےکا موقع فراہم کرتا ہے۔