نوکنڈی میں 44، سبی میں 43 ڈگری سینٹی گریڈ ریکارڈ، گوادر اور جیوانی میں معتدل موسم برقرار
کوئٹہ(خ ن )محکمہ موسمیات نے بلوچستان کے مختلف علاقوں میں موسم کی صورتحال سے آگاہ کیا ہے۔ کوئٹہ، سبی، تربت، نوکنڈی، اور چمن سمیت بیشتر اضلاع میں موسم گرم اور مرطوب رہے گا۔ خضدار، ژوب، موسی خیل اور گردونواح میں چند مقامات پر تیز ہواں اور گرج چمک کے ساتھ بارش کا امکان ہے۔
محکمہ موسمیات کے مطابق کوئٹہ میں زیادہ سے زیادہ درجہ حرارت 37، قلات میں 33، زیارت میں 27، ژوب میں 38، سبی میں 43، تربت میں 40، نوکنڈی میں 44، چمن میں 39، گوادر میں 32، اور جیوانی میں 31 ڈگری سینٹی گریڈ ریکارڈ کیا گیا ہے۔ بلوچستان کے ساحلی علاقوں میں بھی معتدل گرم موسم کی توقع ہے۔
