گوادر کے مسائل کا مستقل حل تلاش کیا جائے گا،وفاقی وزیر جنید انوار چوہدری
اسلام آباد،کوئٹہ(جہان امروز-نیوز )وزیراعظم شہباز شریف نے گوادر میں بجلی اور پانی کے بحران کا نوٹس لیتے ہوئے فوری طور پر خصوصی کمیٹی قائم کرنے کی ہدایت دی۔ وفاقی وزیر جنید انوار چوہدری نے بتایا کہ وزیراعظم کی ہدایت کے مطابق کمیٹی تشکیل دے دی گئی ہے۔
کمیٹی میں وزیراعلی بلوچستان، وزارت پلاننگ، بحری امور، توانائی کے وزرا اور متعلقہ سیکریٹریز شامل ہیں۔ کمیٹی مقررہ مدت میں وزیراعظم کو اپنی سفارشات پیش کرے گی تاکہ گوادر کے بجلی اور پانی کے مسائل کا مستقل اور جامع حل نکالا جا سکے۔
وزیراعظم نے کمیٹی کو ہدایت کی ہے کہ وہ فوری اقدامات کے ساتھ مسائل کے حل کو یقینی بنائیں تاکہ گوادر کی عوام کو بنیادی سہولیات کی فراہمی میں بہتری آئے۔
