اسلام آباد ۔۔یورپی کمیشن اور یورپی ایوی ایشن سیفٹی ایجنسی نے پی آئی اے کی پروازوں پر عائد پابندی اٹھا لی ہے۔ وزیر دفاع خواجہ آصف نے اپنے بیان میں کہا کہ پی آئی اے اور ایئربلیو کو تھرڈ کنٹری آپریٹر اتھرائزیشن بھی جاری کر دی گئی ہے۔خواجہ آصف نے کہا کہ پی آئی اے کی پروازوں پر عائد پابندی کا اٹھنا ایک یادگار موقع ہے، یہ کامیابی وزارت ایوی ایشن اور سی اے اے کی جانب سے سیفٹی معیارات یقینی بنانے سے ملی۔انہوں نے کہا کہ ہماری حکومت نے سی اے اے کو مضبوط کرنے کیلئے اہم اقدامات کیے ہیں، پی آئی اے پر پابندی کیخاتمہ میں سی اے اے نے بہت محنت کی۔خواجہ آصف نے کہا کہ پی آئی اے کی دیگر پروازوں سے ریٹنگ بہتر ہوئی ہے، پی آئی اے اور ایوی ایشن انڈسٹری تباہی کے دہانے پر آگئی تھی، امید ہے برطانیہ اور دیگر ممالک سے بھی پابندی ہٹ جائے گی۔وزیر دفاع نے کہا کہ پی آئی اے کا آپریشن جلد بحال ہو جائے گا، پابندی ہٹنے سے پی آئی اے کی نجکاری عمل میں فائدہ ہوگا۔
