ایردوآن کا عالمی برادری سے شام میں اداروں کی تعمیرِ نو کے لیے مل کر کام کرنے کا مطالبہ
واشنگٹن ..امریکی وزیرِ خارجہ انٹونی بلنکن شام میں قیامِ استحکام کے ایک اہم پہلو پر گفتگو کے لیے ترکیہ پہنچے: یہ ملک کے شمال میں امریکی حمایت یافتہ کرد افواج اور ترکیہ کے حمایت یافتہ حزبِ اختلاف گروپ کے درمیان جھڑپوں کے بارے میں تھی۔ شامی صدر بشار الاسد کی حکومت کی برطرفی کے بعد خطے کے اولین دورے پر بلنکن پہلے اردن گئے اور پھر انقرہ کے ایسن بوغا ایئرپورٹ پر صدر طیب ایردوآن سے ملاقات کی۔عرب ٹی وی کے مطابق ترک ایوانِ صدر نے ایک بیان میں کہا کہ ایردوآن اور بلنکن نے شام میں تازہ ترین پیش رفت پر تبادل خیال کیا جس کے دوران ایردوآن نے عالمی برادری سے شام میں اداروں کی تعمیرِ نو کے لیے مل کر کام کرنے کا مطالبہ کیا۔انہوں نے بلنکن کو یہ بھی بتایا کہ ترکیہ شام میں اپنی قومی سلامتی کے لیے ان تمام تنظیموں کے خلاف حفاظتی اقدامات کرے گا جنہیں وہ دہشت گرد سمجھتا ہے۔ نیز بیان میں کہا گیا ہے کہ انقرہ داعش کے خلاف جنگ میں کسی کمزوری کی اجازت نہیں دے گا۔
