پولیس نے واقعے کے بعد شواہد اکٹھے کرکے لوگوں کے بیانات لے کر واقعے کی تحقیقات شروع کردی
مردان۔۔فریقین کے درمیان فائرنگ کے واقعے میں3بھائیوں سمیت 4افراد جاں بحق ہو گئے۔ریسکیو1122کے مطابق مردان کے علاقے طورو قاسم میرہ کڑپندی میں فائرنگ سے3بھائیوں سمیت4افراد جاں بحق ہوگئے۔
اطلاع ملنے پر ریسکیو1122 ایمبولینس اور میڈیکل ٹیم موقع پر پہنچی۔میڈیکل ٹیم نے زخمیوں کو ابتدائی طبی امداد فراہم کرکے طورو ہسپتال منتقل کیا۔
ابتدائی معلومات کے مطابق واقعے میں 2زخمی بچوں کو لوکل ٹرانسپورٹ کے ذریعے ہسپتال پہنچایا گیا۔پولیس کے مطابق فائرنگ میں ایک فریق کے3بھائی جبکہ دوسرے فریق کا ایک شخص جاں بحق ہوا ہے۔پولیس نے واقعے کے بعد شواہد اکٹھے کرکے اور لوگوں کے بیانات لے کر واقعے کی تحقیقات شروع کردی ہے۔
