آپ لوگوں نے کیا ڈرامہ لگایا ہوا ہے ہر بندہ صرف ملاقات کے لئے جیل آتا ہے‘علیمہ خان نے چارج شیٹ کر دیا
راولپنڈی .اڈیالہ جیل کے داخلی دروازے پر پی ٹی آئی وکلاء اور علیمہ خان کے مابین شدید تلخ کلامی ہوئی اورعلیمہ خان نے وکلاء رہنماوں کو چارج شیٹ کردیا۔
علیمہ خان نے کہا کہ بانی پی ٹی آئی سے صرف وہی ملاقات کرے گا جسکو کوئی زمہ داری سونپی گئی ہو‘بغیر ذمہ داری کے کوئی وکیل جیل کے اندر نہیں جائے گا‘آپ لوگوں نے کیا ڈرامہ لگایا ہوا ہے ہر بندہ صرف ملاقات کے لئے جیل آتا ہے۔اطلاعات کے مطابق علیمہ خان کی دیگر دو بہنوں کے ہمراہ بانی پی ٹی آئی سے ملاقات ہوئی۔
ملاقات کے بعد اڈیالہ کے داخلہ گیٹ پر علیمہ خان کی وکلاء رہنماؤں کے ساتھ تلخ کلامی ہوگئی۔علیمہ خان نے وکلاء رہنماوں کو چارج شیٹ کردیااورکہا کہ بانی پی ٹی آئی سے صرف وہی ملاقات کرے گا جسکو کوئی زمہ داری سونپی گئی ہو۔
بغیر ذمہ داری کے کوئی وکیل جیل کے اندر نہیں جائے گا،علیمہ خان نے کہا کہ آپ لوگوں نے کیا ڈرامہ لگایا ہوا ہے ہر بندہ صرف ملاقات کے لئے جیل آتا یے،ہمارا بھائی اندر ہے ہمارا اس سے پیار ہے‘ ہم اسکے لئے جان بھی دے سکتے ہیں،علیمہ خان نے کہا کہ کوئی بھی وکیل اپنی طرف سے عدالت میں اضافی پٹیشن دائر نہیں کرے گا،پٹیشن دائر کرنے کا اختیار صرف سلمان اکرم اور سلمان صفدر کے پاس ہے،میرے بھائی کی بچوں سے ٹیلی فونک بات نہیں کرائی جا رہی،نہ کتابیں مل رہی ہیں۔
علیمہ خان نے نعیم پنجھوتہ سے سوال کیا کہ آپ بشری بی بی کے فوکل پرسن ہیں آپ کس کس سے ملتے ہیں؟ پنجھوتہ نے جواب دیا کہ میں کسی سے نہیں ملا،جس سے ملا کیوں آپ بتائیں،علیمہ خان نے نعیم پنجھوتہ پر غم و غصہ کا اظہارکیا اورکہا کہ میرے ساتھ بدتمیزی نہ کریں۔نعیم پنجھوتہ کا جواب تھا کہ میں بدتمیزی نہیں کر رہا،ہم جیلیں بھگت کرآئے،ہم پر پرچے ہوئے ہیں۔علیمہ خان نے کہا کہ تم یہ کس طرح مجھ سے بات کر رہے ہو،خاموش رہو۔اس موقع پر کھڑے وکلاء نعیم پنجھوتہ کو پکڑسائیڈ پر لے گئے۔علیمہ خان وکلاء سے بار بار پوچھتی رہیں کہ آپ نے اب تک بانی کے لئے عدالت سے کیا ریلیف لیا ہے۔
