علی گڑھ، بھارتی ریاست اتر پردیش کے شہر علی گڑھ میں گھر کے باہر بیٹھے شخص کو نامعلوم افراد نے گولیاں مار کر قتل کردیا۔بھارتی میڈیا کے مطابق 25 سالہ حارث کو نامعلوم موٹرسائیکل سواروں نے اپنے گھر کے بیٹھے گولیاں مار کر فرار ہوگئے جس کے بعد پولیس نے تحقیقات شروع کردیں۔رپورٹ کے مطابق فائرنگ کے بعد علاقے میں خوف وہراس پھیل گیا۔
پولیس فوری طور پر جائے وقوعہ پر پہنچی اور نوجوان کے اہلخانہ کو یقین دلایا کہ تحقیقات کے بعد ملزمان کیخلاف سخت کارروائی کی جائے گی۔ فرانزک ٹیم نے جائے وقوعہ سے شواہد اکٹھے کیے، اور یہ سارا واقعہ قریبی سی سی ٹی وی کیمرے نے ریکارڈ کیا۔
ویڈیو میں موٹرسائیکل سوار چار افراد کو کئی بار حارث پر گولی چلاتے ہوئے دکھایا گیا ۔ پولیس فوٹیج کا جائزہ لے رہی ہے تاکہ ملزمان کو پکڑا جا سکے۔اے ایس پی میانک پاٹھک نے کہا کہ ابتدائی تفتیش سے معلوم ہوتا ہے کہ معاملہ ذاتی دشمنی کا نتیجہ ہے۔
انہوں نے مزید کہا کہ پھر بھی ہم تمام چیزوں کا جائزہ لے رہے ہیں اور متاثرہ کے خاندان سے پوچھ گچھ کر رہے ہیں۔بھارتی پولیس نے مقدمہ درج کر کے تفتیش شروع کردی ۔
