کراچی میں بڑی دہشتگردی کے لیے آئے فتنہ الخوارج کے 2دہشتگرد گرفتار

کراچی میں بڑی دہشتگردی کے لیے آئے فتنہ الخوارج کے 2دہشتگرد گرفتار

افغانستان میں تربیت حاصل کی،گرفتار ملزمان انتہائی مطلوب دہشت گرد شریف اللہ کے قریبی ساتھی سمجھے جاتے ہیں‘سی ٹی ڈی

کراچی (جہان امروز-نیوز)کراچی کے علاقے منگھوپیر میں کاؤنٹر ٹیررازم ڈیپارٹمنٹ (سی ٹی ڈی)، وفاقی حساس ادارے اور مقامی پولیس نے مشترکہ آپریشن کرتے ہوئے کالعدم تنظیم ’’فتنہ الخوارج‘‘ کے دو دہشت گردوں کو اسلحے سمیت گرفتار کر لیا۔سی ٹی ڈی کے مطابق گرفتار ملزمان کی شناخت عبدالوکیل اور اجمل کے نام سے ہوئی ہے، جو افغانستان میں عسکری تربیت حاصل کرچکے ہیں اور انتہائی مطلوب دہشت گرد شریف اللہ کے قریبی ساتھی سمجھے جاتے ہیں۔

حکام کے مطابق دونوں گرفتار ملزمان کا تعلق بلوچستان کے ضلع قلعہ عبداللہ سے ہے اور انہیں کراچی میں کسی بڑی کارروائی کے لیے بھیجا گیا تھا۔سی ٹی ڈی ذرائع کا کہنا ہے کہ منصوبے کے مطابق ملزمان کو بعد میں ٹارگٹ فراہم کیا جانا تھا، تاہم بروقت آپریشن کے باعث ممکنہ سانحہ ٹل گیا۔حکام کے مطابق، گرفتار دہشت گردوں سے تفتیش کا آغاز کر دیا گیا ہے، تاکہ ان کے نیٹ ورک اور مزید منصوبہ بندی سے متعلق معلومات حاصل کی جا سکیں۔

اپنا تبصرہ لکھیں