کوئٹہ (جہان امروز نیوز) بلوچستان کے بیشتر اضلاع میں مطلع جزوی طور پر ابر آلود رہنے کا امکان ہے۔ محکمہ موسمیات کے مطابق رات کے اوقات میں بارکھان، ژوب، موسیٰ خیل، لورالائی، آواران، لسبیلہ اور ملحقہ علاقوں میں تیز ہواؤں اور گرج چمک کے ساتھ بارش کی پیش گوئی کی گئی ہے۔
محکمہ موسمیات کا کہنا ہے کہ صوبے کے مختلف اضلاع میں آج درجہ حرارت معمول سے مختلف ریکارڈ کیا گیا۔ کوئٹہ میں زیادہ سے زیادہ درجہ حرارت 36، قلات میں 31، زیارت میں 25 اور ژوب میں 32 ڈگری سینٹی گریڈ ریکارڈ کیا گیا۔ اسی طرح سبی میں 40، تربت میں 38، نوکنڈی میں 42 اور چمن میں 39 ڈگری سینٹی گریڈ ریکارڈ ہوا۔
بلوچستان کے ساحلی اضلاع میں بھی موسم قدرے معتدل رہا۔ گوادر میں زیادہ سے زیادہ درجہ حرارت 32 جبکہ جیوانی میں 31 ڈگری سینٹی گریڈ ریکارڈ کیا گیا۔