پی ٹی آئی فیک نیوز کا شکار: سیاسی، کورکمیٹی میں اسد قیصر سے متعلق 6 فیک نیوز شیئر کی گئیں
کور کمیٹی گروپ میں حلیم عادل شیخ نے اسد قیصر، محمود اچکزئی پر حملےکی فیک نیوز شیئر کی: ذرائع
پارٹی ذرائع کے مطابق اتوار کو کورکمیٹی گروپ میں فیک نیوز شیئر کی گئیں، کور کمیٹی گروپ میں حلیم عادل شیخ نے اسد قیصر، محمود اچکزئی پر حملےکی فیک نیوز شیئر کی۔
پارٹی ذرائع کا کہنا تھاکہ حلیم عادل نے خبر پر پارٹی سے رائے طلب کی اور تشویش کا اظہار کیا، سیمابیہ طاہر نے بین الاقوامی میڈیا کو بانی پی ٹی آئی سے ملنے کی اجازت کی خبر شیئر کی اور انہوں نے فیک نیوز شیئر کرتے ہوئے اسے کامیابی قرار دیا۔
پارٹی ذرائع نے بتایاکہ پارٹی گروپ میں قاسم سوری کے بانی پی ٹی آئی عمران خان کی جیل سے منتقلی کا ٹوئٹ شیئر کیا گیا، علی محمد خان نے ایسے ٹوئٹ کو فیک قرار دیتے ہوئے سیاسی کمیٹی و قائدین سے مشاورت کا کہا۔
پارٹی قائدین کا مؤقف ہے کہ فیک نیوز پر مبنی بیانات سے پارٹی کو نقصان پہنچ رہا ہے۔
اسد قیصر سے متعلق ایک ہفتے میں 6 فیک نیوز شیئر کی گئیں۔ اس حوالے سے اسد قیصر کا کہنا تھاکہ مجھے سمجھ نہیں آرہی یہ فیک نیوز کہاں سے اور کیوں جاری ہو رہی ہیں۔
