کوئٹہ۔۔جمعیت علماء اسلام بلوچستان کے امیر و سینیٹر مولانا عبدالواسع نے کہا ہے کہ جمعیت علماء اسلام نے ہر فورم پر ملک کو مقدم رکھا ہے ،علماء کی اس جماعت میں “پاکستانیت سب سے پہلے” کا درس دیا جاتا ہے ملک کی وسیع تر مفاد میں ہم نے سیاست کو پس پشت ڈالا ہے صوبے اور ملک کے ساتھ مختلف تجربات کرکے ملک کی استحکام کو داو پر لگایاگیا ہے کسی کو ملک کی کوئی فکر نہیں ہے، حکمران طبقہ مختلف شکلوں میں ہمیشہ ملک میں عدم استحکام کا سبب بنا ہے عوام کو ہی کیوں ہمیشہ قربانی کیلئے پیش کیا جاتا ہے عوام کو جس طرح نظر انداز کیا گیا اس سے بے چینی کی کیفیت بڑھ چکی ہیان مصنوعی سیاستدانوں کی مایوس کن کردار کی وجہ سے عوام سیاست سے بدظن ہوچکے ہیں۔ یہاں جاری ہونے والے ایک بیان میںسینیٹر مولاناعبدالواسع نے کہا کہ ملک کے حکمرانوں نے ایک سال پورا ہونے کے باوجود کوئی کام نہیںکیا ہے جمعیت علماء اسلام کے مینڈیٹ پر شب خون مارنے والے منصوبہ ساز تاریخ کے اوراق میں بدنماء داغ ہوں گے ،ہم یہ کھیل صوبے کی عوام کے ساتھ زیادتی سمجھتے ہیںاسکے بدترین نتائج مرتب ہوں گے جس کے زمہ دار یہی منصوبہ ساز ہوں گے ۔انہوں نے کہا کہ حلقہ پی بی پینتالیس پر ری پولنگ میں تمام حالات واضح ہوچکے ہیں ، جمعیت علما اسلام حالات کو غور سے دیکھ رہی ہے،پیڑاشوٹرز کے مدمقابل میں جمعیت علماء اسلام کی حمایت میں جمہوری جماعتیں اور نمائندے دستبردار ہوگئے ہیںاب بھی اگر اس سلسلے میں ہمارے مینڈیٹ کو چرانے کی کوششیں کی گئیں تو ہم خاموش نہیں رہ سکتے بلکہ شدید رد عمل دیں گے۔
