ایشیا کی مارکیٹ کھلنے سے پہلے بٹ کوائن کی قیمت تقریبا 96,250 ڈالر تھی،رپورٹ
نیویارک..ایشیا کی مارکیٹ کھلنے سے پہلے بٹ کوائن کی قیمت تقریبا 96,250 ڈالر تھی، لیکن پانچ دسمبر کو مارکیٹ کھلتے ہی اس میں زبردست اضافہ ہوا۔بٹ کوائن کی قیمت میں یہ ریکارڈ اضافہ پانچ نومبر کے بعد دیکھا گیا ہے جب نو منتخب صدر ڈونلڈ ٹرمپ نے کرپٹو کرنسی کے حق میں اپنی حمایت کا اعلان کیا .واضح رہے کہ ٹرمپ نے امریکہ کو دنیا کا کرپٹو دارالحکومت بنانے کا وعدہ کیا۔ ٹرمپ کی کامیابی کے بعد یہ امید کی جا رہی ہے کہ ان کی حکومت کرپٹو کرنسی کے لیے سازگار ماحول فراہم کرے گی۔ٹرمپ کی فتح کے بعد بٹ کوائن کی قیمت میں 50 فیصد سے زیادہ کا اضافہ ہوا ہے، اور سال کے آغاز سے اب تک تقریبا 134 فیصد اضافہ دیکھا جا چکا ہے۔بٹ کوائن کی قیمت اس وقت ایک لاکھ ڈالر سے تجاوز کر گئی جب ڈونلڈ ٹرمپ نے پال ایٹکن کو سیکیورٹیز اینڈ ایکسچینج کمیشن (ایس ای سی) کا چیئرمین مقرر کرنے کا اعلان کیا۔پال ایٹکن کرپٹو کرنسی کے حمایت یافتہ گروپ سے تعلق رکھتے ہیں اور ان کا مقصد مضبوط اور جدید سرمایہ مارکیٹوں کو فروغ دینا ہے۔
