ہیملٹن..نیوزی لینڈ کے فاسٹ بولر ٹم ساودی کو الوداعی میچ میں کھلاڑیوں نے گارڈ آف آنر پیش کیا۔ساودی نے انگلینڈ سے ہیملٹن میں جاری تیسرے ٹیسٹ کے بعد طویل طرز کی کرکٹ سے ریٹائرمنٹ کا اعلان کررکھا ہے۔میچ کے ابتدائی روز انھوں نے صرف 10 بالز پر 23 رنز بنائے جس میں ایک چوکا اور 3 چھکے شامل تھے، اس طرح انھوں نے ٹیسٹ کرکٹ میں اپنے چھکوں کی تعداد سابق ویسٹ انڈین اسٹار کرس گیل کے برابر 98 کردی۔ گیل نے یہ چھکے 103 ٹیسٹ میچز پر محیط کیریئر میں جڑے تھے۔ ساودی اب اس فہرست میں چوتھے نمبر پر موجود ہیں۔وہ اگلی باری میں مزید 2 چھکے جڑ کر ٹیسٹ کرکٹ میں چھکوں کی سنچری مکمل کرنے والے چوتھے کرکٹر بن سکتے ہیں۔
