اسلام آباد(اے ایف بی) پاکستان پیپلز پارٹی کے رہنما اور رکن قومی اسمبلی رمیش کمار نے دعوی کیا ہے کہ بانی پی ٹی آئی عمران خان کے ساتھ ڈیل کیلئے ایک ریٹائرڈ شخصیت نے اہم کردار ادا کیا ہے۔
ایک انٹرویو میں رمیش کمار نے کہا کہ عمران خان کے ساتھ 4 سے 5 ملاقاتوں کے بعد 14 اگست کو باقاعدہ کیک بھی کاٹا گیا، ریلیف کا عمل شروع ہو چکا ہے اور چند دنوں میں سب نظر آجائے گا۔
متعلقہ پوسٹیں
ان کا کہنا تھا کہ ایک نیا ماڈل بننے جارہا ہے، جس پر 15 ستمبر سے 15 نومبر کے درمیان عملدرآمد متوقع ہے، اس نظام میں بانی پی ٹی آئی سمیت تمام اہم فریقین آن بورڈ ہیں۔
رکن قومی اسمبلی نے خبردار کیا کیا کہ جو نئے ماڈل میں رکاوٹ ڈالے گا اس کو باہر کر دیا جائے گا اور ن لیگ رکاوٹ بنی یا شفا والی غلطی کی تو نیا سیٹ اپ بن سکتا ہے۔