چوہدری سالک حسین کی دبئی سے پاکستانی ورکروں کو ڈی پورٹ کئے جانے کی تردید

اسلام آباد (بیورورپورٹ)وفاقی وزیر سمندرپار پاکستانیز چوہدری سالک حسین نے دبئی سے پاکستانی ورکروں کو ڈی پورٹ کئے جانے کی تردید کردی۔

خصوصی گفتگو کرتے ہوئے چوہدری سالک حسین نے کہا کہ پاکستانیوں کیلئے خلیجی ممالک میں ملازمت کے مواقع میں اضافہ ہو رہا ہے ۔

وفاقی وزیر نے دبئی سے پاکستانی ورکروں کو ڈی پورٹ کئے جانے کی تردید کی اور کہا کہ یو اے ای میں پاکستانیوں کے روزگار محفوظ ہیں،دبئی سے کوئی بھی پاکستانی ڈی پورٹ نہیں ہوا۔

چوہدری سالک حسین نے امید ظاہر کی کہ خلیج سمیت بیرونی ممالک میں پاکستانیوں کے لئے ملازمت کے مواقع میں بہتری آئے گی،پاکستانیوں کیلئے بیرون ملک روزگار کے نئے مواقع ڈھونڈ رہے ہیں، نئی مارکیٹس سے بیرون ملک پاکستانیوں کی تعداد میں اضافہ ہوگا۔