پاکستان میں آج 28 مئی کو یومِ تکبیر منایا جا رہا ہے۔ وزیراعظم شہباز شریف نے اپنے پیغام میں کہا کہ 28 مئی 1998 پاکستان کی تاریخ کا فیصلہ کن دن تھا، جب پاکستان نے ایٹمی قوت بن کر جنوبی ایشیا میں اسٹریٹجک توازن بحال کیا۔ انہوں نے کہا کہ پاکستان اپنی خودمختاری، دفاع اور علاقائی سالمیت پر کوئی سمجھوتہ نہیں کرے گا۔

اسی موقع پر پاکستان کی مسلح افواج کی قیادت نے بھی قوم کو مبارک باد دی اور کہا کہ پاکستان کی اسٹریٹجک صلاحیت قومی امانت ہے، جو خطے میں امن، استحکام اور مؤثر دفاع کی ضمانت ہے۔ آئی ایس پی آر کے مطابق عسکری قیادت نے ملک کی سلامتی، استحکام اور خوشحالی کے لیے عزم دہرایا۔