پولیس ذرائع کے مطابق قلعہ سیف اللہ کے علاقے مولوی بختیار صاحب اڈہ میں نامعلوم افراد کی فائرنگ کے نتیجے میں تین افراد جاں بحق جبکہ ایک شخص زخمی ہوگیا۔

ذرائع کے مطابق متاثرین کا تعلق قوم (ترہ کئی) سے بتایا جا رہا ہے۔ ابتدائی اطلاعات کے مطابق واقعہ کی وجہ پرانی دشمنی بتائی جا رہی ہے، تاہم پولیس مختلف پہلوؤں سے تحقیقات کر رہی ہے۔

واقعے کی اطلاع ملتے ہی پولیس موقع پر پہنچ گئی اور مزید تفتیش جاری ہے۔