لاہور میں گیس بحران، ایل پی جی 300 سے 450روپے فی کلو میں فروخت ،شہری پریشان
لاہور(اے ایف بی)لاہور میں گیس بحران کے باعث شہری مہنگی ایل پی جی خریدنے پر مجبورہوگئے۔لاہور میں سوئی گیس غائب یا پریشر انتہائی کم ہے جس کی وجہ سے شہری ایل پی جی استعمال کرنے پر مجبورہیں اور دکان داروں کی چاندی ہوگئی ہے۔ایل پی جی کی سرکاری ریٹ لسٹ ہوا میں اڑا دی گئی اورایل پی جی کی من مانی قیمتوں پر فروخت جاری ہے۔ ایل پی جی کی حکومتی قیمت 279 کے قریب ہے لیکن شہر بھر میں 300 سے 450روپے فی کلو میں فروخت ہورہی ہے،شہریوں نے حکومت سے گیس بحران کے خاتمے اورایل پی جی کی سرکاری قیمت پر فروخت یقینی بنانے کامطالبہ کیاہے۔