صومالیہ سے زخمی پاکستانی ملاحوں اور جاں بحق افراد کی میتیں وطن واپس روانہ

اسلام آباد (اے ایف بی) دفتر خارجہ نے کہا ہے کہ پاکستانی سفیروں نے صومالی قزاقوں کے ہاتھوں زخمی پاکستانی ملاحوں اور جاں بحق افراد کی میتیں روانہ کر دی ہیں۔دفتر خارجہ کے مطابق جبوتی اور ایتھوپیا میں پاکستانی سفیروں نے زخمی پاکستانی عملے کے 4 ارکان کو روانہ کردیا۔بیان میں بتایا گیا کہ ایم ٹی آنر 25 کے زخمی پاکستانی عملے کے 4 ارکان عثمان غنی، عقیل خان، امین بن شمس اور یاسر خان آج کراچی پہنچیں گے۔ترجمان نے بتایا کہ ایم ٹی آنر 25 کے جاں بحق 3 پاکستانیوں کی میتیں بھی کراچی روانہ کردی گئیں، رفیع اللہ خان، سید کاشف عمر اور محمود احمد انصاری کی میتیں بھی کراچی پہنچیں گی۔