راولپنڈی(آئی ایس پی آر)ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ معرکہ حق میں اللہ کے فضل سے اپنے سے کئی گنا بڑے دشمن کو شکست دی،بھارتی فوج اس آپریشن کا مردانہ نام رکھ لے، سندور عورتیں لگاتی ہیں، پہلگام واقعہ کو ایک سال مکمل ہو گیا ، پاکستان نے جو سوالات اٹھائے تھے وہ اب بھی جوں کے توں موجود ہیں، جواب دیں کون لوگ تھے جنہوں نے یہ کروایا؟ ،

بھارت بتائے کس دہشت گرد کیمپ کو نشانہ بنایا؟ پاکستان میں جو بھی دہشت گردی ہے وہ بھارت کی ایما پر کی جا رہی ہے،کشمیر بھارت کا حصہ نہیں ہے یہ بین الاقوامی تسلیم شدہ تنازع ہے، بھارت کیلئے نصیحت ہے کہ سچ بولنا سیکھے، بھارت کشمیریوں اور منی پور میں مظالم ڈھا رہا ہے، بھارت کیوں اپنے ایڈمرل، جنرل اور مارشل کا مذاق بنوا رہا ہے۔معرکہ حق کو ایک سال مکمل ہونے پر پاک فضائیہ اور بحریہ کے افسران کے ہمراہ پریس کانفرنس کرتے لیفٹیننٹ جنرل احمد شریف چوہدری نے کہا کہ اللہ کے فضل اور رحمت سے مسلح افواج قوم کی امنگوں پر پورا اتری۔ڈی جی آئی ایس پی آر نے کہا کہ اپنے سے 5 گنا بڑے دشمن کو ملٹی ڈومین وار میں شکست دی، یہ بات پاکستانی بچوں کے ساتھ ہندوستانی بچے بھی جانتے ہیں تاہم یہ الگ بات ہے کہ وہ اسے تسلیم نہیں کرتے۔

انہوں نے کہا کہ ہندوستان نے بہت مکاری سے بیانیہ بنایا کہ پاکستان دہشت گردی کرتا ہے لیکن یہ لوگ خود دہشت گردی میں ملوث ہیں اور دنیا بھارت کی من گھڑت باتوں پر کان دھرنے کے لیے تیار نہیں ہے۔ترجمان پاک فوج نے کہاکہ پہلگام واقعے کو ایک سال مکمل ہو گیا لیکن پاکستان نے جو سوالات اٹھائے تھے وہ اب بھی جوں کے توں موجود ہیں، جواب دیں کون لوگ تھے جنہوں نے یہ کروایا؟ بھارت بتائے کس دہشت گرد کیمپ کو نشانہ بنایا؟ پاکستان میں جو بھی دہشت گردی ہے وہ بھارت کی ایما پر کی جا رہی ہے۔ڈی جی آئی ایس پی آر نے کہا کہ کشمیر بھارت کا حصہ نہیں ہے بلکہ یہ ایک بین الاقوامی تسلیم شدہ تنازع ہے، بھارت کے لیے نصیحت ہے کہ سچ بولنا سیکھے، بھارت خود سب سے بڑا دہشت گرد ہے، اگر یہی زبان استعمال کرنی ہے تو آجا سامنے پھر، بھارتی سیاست دان، سیاست دان کم جنگجو زیادہ لگتے ہیں۔

انہوں نے کہا کہ پہلگام واقعہ کے منٹوں کے بعد ایف آئی آر درج ہوئی، پہلگام واقعے کے 15 منٹ بعد تعین ہو گیا کہ سرحد پار سے لوگ آئے، تم اتنے سیانے تھے، سمجھدار تھے 100 کلو میٹر لوگ اندر آ گئے اس کا تمہیں پتہ نہیں چلا، اس وقت تمہاری سمجھدار انٹیلی جنس اور ہونہار ذہن کیا سو رہے تھے؟ انٹرنیشنل کمیونٹی پوچھتی ہے کہ پہلگام واقعے کے پیچھے کون ہے؟ بھارت پہلگام واقعے کے حوالے سے آج تک ثبوت سامنے نہیں لا سکا۔انہوںنے کہاکہ بھارت کی پروفیشنل آرمی تھی جو آج سیاست زدہ ہے، بھارتی میڈیا کی انفارمیشن نے لوگوں کو بہت تفریح فراہم کی، اچھی خاصی انٹرٹینمنٹ بھارتی نیوز میڈیا فراہم کر دیتا ہے۔لیفٹیننٹ جنرل احمد شریف چوہدری نے کہا کہ ہم نے ایک سال پہلے بھارت کا غرور خاک میں ملا دیا تھا، آپ نے بھارتی ایئر چیف مارشل کو سنا ہو گا، معرکہ حق کے چند ماہ بعد وہ اٹھے اور کہا کہ آج انہیں پتہ لگا کہ انہوں نے بھی جہاز گرائے تھے، ہم ہمیشہ سے کہتے تھے کہ کسی کا باپ بھی پاکستان پر آنچ نہیں لا سکتا، ہم تب بھی تیار تھے اور اب بھی تیار ہیں، کسی کو شک ہے تو اس کی ایک قسط ہم نے دکھائی ہے۔

ڈی جی آئی ایس پی آر نے کہا کہ اللہ کا شکر ادا کرتے ہیں جب ہم اس سال کا احاطہ کرتے ہیں، ہم احاطہ کریں گے کہ ہمارا مشرقی ہمسایہ سارا سال کیا کرتا رہا ہے، بھارت کشمیریوں اور منی پور میں مظالم ڈھا رہا ہے، بھارت کیوں اپنے ایڈمرل، جنرل اور مارشل کا مذاق بنوا رہا ہے۔ترجمان پاک فوج نے کہاکہ ہم نے ایک سال پہلے بھارت کا غرور خاک میں ملا دیا تھا، ہم بھارتی عسکری اہداف کو نشانہ بناتے اور فخر سے بتاتے ہیں، تم نے جس کو اکٹھا کرنا ہے کر لو، لیکن تم بے نقاب ہو چکے ہو، ایک پاکستان اور دوسرا فیلڈ مارشل دن رات بھارت کے خواب میں آتے ہیں، بھارتی فوج اس آپریشن کا کوئی مردانہ نام رکھ لے، سندور تو عورتیں لگاتی ہیں۔انہوں نے کہا کہ معرکہ حق میں جو آپ نے دیکھا ہے وہ ہماری مجموعی پاور پوٹینشنل دس پندرہ فیصد ہے، 14اگست کو عظیم الشان پریڈ ہو گی، پاور پوٹیشنل کی چھوٹی سی جھلک عوام کو دکھائیں گے، مقصد یہ ہے کہ وہ بعد میں یہ نہ کہیں کہ بتایا نہیں تھا، خطے میں استحکام کا سب سے بڑا سفیر کون ہے، پاکستان، کون خطے میں امن کی کوشش کر رہا ہے؟ پاکستان۔اس موقع پر گفتگو کرتے ہوئے ڈپٹی چیف آف ایئر اسٹاف پراجیکٹس ایئر وائس مارشل طارق غازی نے کہا کہ پاک فضائیہ دشمن کی ہر سرگرمی نوٹ کر رہی تھی، ہم نے ٹرائی سروس پلانز کی گائیڈنس طے کی۔انہوں نے کہا کہ بھارت آج تک سمجھنے کی کوشش کر رہا ہے کہ آخر ہوا کیا تھا، دشمن ہمارے بارڈر تک آنے کی جرات نہیں کر سکتا تھا۔پاک فضائیہ کے ڈپٹی چیف آف ائیر اسٹاف پروجیکٹس ائیر وائس مارشل طارق غازی نے کہا کہ ہم نے آپریشن بنیان المرصوص میں بھارت کے 8 طیارے گرائے اور اب ہم 8 صفر پر ہیں۔ائیر وائس مارشل طارق غازی نے کہا کہ بھارت کے گرائے گئے جہازوں میں 4 رافیل، ایس یو 30، مگ 29 اور میراج 2000 شامل ہے، اس کے علاوہ ایک انتہائی مہنگا کثیرالجہتی خود کار ائیرل سسٹم بھی تباہ کیا۔انہوں نے کہا کہ ہم نے آپریشن بنیان المرصوص میں بھارت کے 8 طیارے گرائے اور اب ہم 8 صفر پر ہیں۔