جرمنی،افغان شہری کو میونخ میں گاڑی سے ٹکر مارنے کے جرم میں عمر قید

برلن (انٹرنیشنل نیوز)جرمنی کی ایک عدالت نے افغانی کو میونخ میں گذشتہ سال گاڑی سے ٹکر مارنے والے حملے کے جرم میں عمر قید کی سزا سنا دی جس میں ایک دو سالہ بچی اور اس کی والدہ ہلاک اور دیگر درجنوں زخمی ہو گئے تھے۔

میڈیارپورٹس کے مطابق صرف فرہاد این کے نام سے شناخت کردہ شخص کو میونخ کی عدالت نے قتل کے دو، اقدامِ قتل کے 23 اور جسمانی ایذارسانی کے 22 جرائم کا مرتکب پایا جن میں سے 19 سنگین نوعیت کے تھے۔

عدالت نے پایا کہ جرائم خاص شدت کے حامل تھے – اس نوعیت کی نامزدگی سے یہ امکان بہت کم رہ جاتا ہے کہ 25 سالہ شخص کبھی جیل سے رہا ہو گا۔