نئی دہلی ۔۔منی پور میں جھڑپیں، حالات مسلسل کشیدہ ، بھارتی ریاست منی پور میں کشیدگی کی ایک نئی لہر، سرکار کی متعصبانہ پالیسی کی بدولت بھارتی ریاست منی پور میں ہلاکت خیز نسلی فسادات کنٹرول سے باہر ، ایک سال سے زائد کا عرصہ گزر جانے کے بعد بھی مودی سرکار منی پور کے نسلی فسادات پر قابو نہ پاسکی۔بھارتی میڈیا رپورٹس کے مطابق کوکی اور میتھی قبائل کے درمیان خون ریز نسلی فسادات اور فوج کے جعلی مقابلوں کے باعث کشیدگی برقرارہے ، حال ہی میں منی پور کی وادی امپھال میں مسلح گروپوں کے درمیان تصادم ہوا ، جدید اسلحے سے لیس مسلح گروپوں کی فائرنگ سے علاقے میں خوف و حراس پھیل گیا ، منی پور فسادات پر مودی کی مسلسل خاموشی پر اسے شدید تنقید کا سامناہے، منی پور میں جاری تنازع مزید بگڑ چکا ہے، لیکن مودی سرکار سیاسی فائدے اٹھانے کے لیے نسلی فسادات کوہوادے رہی ہے۔
