سوناکشی سنہا اور ظہیر اقبال کی نئی فلم” تو ہے میری کرن” کی پہلی جھلک جاری

ممبئی (این این آئی)بالی ووڈ اداکارہ سوناکشی سنہا اور ان کے شوہر ظہیر اقبال کی نئی رومینٹک تھریلر فلم تو ہے میری کرن کی پہلی جھلک جاری کر دی گئی ہے۔فلم کے پوسٹر میں دونوں اداکاروں کو مرکزی کرداروں میں دکھایا گیا ہے جبکہ اس کی ٹیگ لائن اسے ایک تعلق ملا، اسے ایک جنون نے مداحوں کی توجہ حاصل کر لی۔پوسٹر میں ظہیر اقبال کا سنجیدہ اور پراسرار انداز نمایاں ہے جبکہ سوناکشی سنہا نسبتا پرسکون دکھائی دے رہی ہیں، جس سے فلم کی کہانی میں محبت کے ساتھ سسپنس اور جنون کا عنصر بھی ظاہر ہوتا ہے۔فلم کی کہانی تاحال خفیہ رکھی گئی ہے۔ کرن راول کی تحریر و ہدایت میں بننے والی یہ فلم 23 اکتوبر 2026 کو سینما گھروں کی زینت بنے گی۔