کوئٹہ، مشرقی بائی پاس پہاڑ شین غر سے لاپتہ حمید اللہ کی لاش برآمد

کوئٹہ(کرئم رپورٹر)مشرقی بائی پاس کے پہاڑ ‘شین غر’ سے گزشتہ جمعرات سے لاپتہ ہونے والے شخص حمید اللہ ولد یار محمد کی لاش برآمد کر لی گئی ہے۔

بتایا جاتا ہے کہ حمید اللہ پہاڑ پر جڑی بوٹیاں حاصل کرنے گیا تھا جس کے بعد وہ پراسرار طور پر لاپتہ ہو گیا تھا۔

واقعے کی اطلاع ملتے ہی بلوچستان اسٹار شاہین مانٹینرنگ ایسوسی ایشن کی ریسکیو ٹیم نے علاقے میں ریسکیو آپریشن شروع کیا۔

ٹیم نے انتہائی خطرناک اور دشوار گزار چٹانوں کی تلاش کے بعد لاپتہ حمید اللہ کی لاش برآمد کر کے تمام ضروری اقدامات کے بعد لواحقین کے حوالے کر دی۔